ഗജ പോക്കിരി ഗുരുവായൂർ വലിയ മാധവൻകുട്ടി, പച്ച മാംസത്തോട് വലിയ ഇഷ്ടം - അതുപോലെ പുകയില തുടങ്ങിയ ലഹരി സാധനങ്ങളോടും
ഗുരുവായൂർ വലിയമാധവൻകുട്ടി........
ലോകത്തിൽ തന്നെ ഏറ്റവും അധികം ആനകൾ സ്വന്തമായുള്ളതു്... - ഗുരുവായൂരപ്പനു തന്നെ - ഒന്നും വാങ്ങിയതല്ല - ഭക്തർ വഴിപാടായി നടയിരുത്തിയതാണ് - അതിൽ പ്രശസ്തർ ഉണ്ടു് - കൊല കൊമ്പന്മാർ ഉണ്ടു് - പച്ച പാവങ്ങൾ ഉണ്ടു് - ഒറ്റക്കൊമ്പന്മാർ ഉണ്ടു് - മോഴകൾ ഉണ്ട് - പിടിയാനകൾ ഉണ്ടു് - ആനയോട്ടത്തിൽ ഒരുപാടു തവണ വിജയം നേടിയവരുണ്ടു്: ... കോട്ടയിൽ നിന്നും കയ്യിലിരിപ്പിന്റെ ഗുണം കൊണ്ട് വർഷങ്ങളായി പുറത്തിറങ്ങാത്ത വരുണ്ടു്- വൃദ്ധന്മാർ ഉണ്ട് - .....
1974- ഫെബ്രുവരി നാലാം തിയതി 11 വയസുകാരനായ ഒരാനക്കുട്ടിയെ ഗുരുവായൂരപ്പനു മുന്നിൽ നടയിരുത്തി -കുന്നത്തീരിനാരായണൻ നായർ എന്ന ഭക്തനാണ് ആനക്കുട്ടിയെ നടയിരുത്തിയതു് - അവന് ഉടമയുടെ ഇഷ്ടപ്രകാരം;ഭഗവാന്റെ മറ്റൊരു പേരു് മാധവൻ: കുട്ടിയല്ലെ അവൻ: അതുകൊണ്ടു് കുട്ടി കൂടി ചേർത്തു് "മാധവൻകുട്ടിയായി "- പറമ്പിക്കുളം വനത്തിൽ ജനിച്ച ആനക്കുട്ടി - അവിടന്നു വായില്ലാകുന്നിൽ - അവിടന്നു് തൃശൂർ ജില്ലയിലെ പാവറട്ടിയിൽ കുരിയാൽ ജോസഫിന്റെ തടിക്കമ്പനിയിൽ കുറച്ചു കാലം - ഇവിടന്നു ഗുരുവായൂരിലേക്കും .... ഇനി ഒരു കൈമാറ്റം ഇല്ല - അന്ന് 30000 രൂപ വില:
ഗുരുവായൂരപ്പന്റെ മുമ്പിൽ ആചാരപ്രകാരം മാതേമ്പാട്ടു നമ്പ്യാർ ആനയുടെ ചട്ടക്കാരന് തോട്ടിയും കോലും കൈമാറി - ..... സാധാരണ ആനയെ നടയിരുത്താൻ കൊണ്ടുവരുന്ന ചട്ടക്കാരിൽ ഒരാൾക്കു ദേവസ്വത്തിൽ ജോലി നൽകുണ്ട് - എന്നാൽ മാധവൻകുട്ടിയുടെ രണ്ടു ചട്ടക്കാർക്കും ദേവസ്വത്തിൽ ജോലി നൽകി -
നല്ല കറുപ്പു നിറം-ഉയർന്നു വിരിഞ്ഞ തലക്കുന്നി- സാമാന്യത്തിലധികം ഉയർന്ന വായു കുംഭം - വായു കുഭം തൊട്ടു കിടക്കുന്ന മദഗിരിപ്പുള്ളികൾ - വിട്ടകന്ന പൊട്ടുകുത്തിയ പോലുളള മദഗിരിപ്പാടുകൾ തുമ്പിയിലും നിറഞ്ഞുകിടക്കുന്നു - കണ്ണിനു പുരികം വരച്ച പോലെ പാടുകൾ - കന്നക്കുഴിയിലും പാടുണ്ടു്-കീറലും തുളയുമില്ലാത്ത വലിയ ചെവികൾ - എടുത്ത കന്നവണ്ണമുള്ള കൊമ്പുകൾ - സൂക്ഷിച്ചു നോക്കിയാൽ ഇടത്തെ കൊമ്പിനു തെല്ലുയർച്ച - :...ഇടത്തെക്കൊമ്പുയർന്നീടിൽ ആനക്കാരനുത്തമം...... മാധവൻകുട്ടി ആനക്കാരനു ഗുണം ചെയ്യുന്ന ആന: .... കണ്ണുകൾക്കു് തേൻ നിറമല്ല: ഇളംതവിട്ടു നിറം-തടിച്ചു നീണ്ട തുമ്പി - മാൻകഴുത്ത് - അൽപം വളഞ്ഞ നട്ടെല്ല് - നടയമരങ്ങൾ വണ്ണം കുറഞ്ഞതു് - മേലണ്ണാക്കിൽ കരിമ്പുള്ളികൾ .....ഗുണദോഷ സമ്മിശ്രം -.
കുട്ടിക്കാലം മുതലേ തന്നെ തന്നിഷ്ടക്കാരനായാണ് വളർന്നതു് - വാശിക്കാരൻ - ഭേദ്യം കൊണ്ടു കീഴടക്കാമെന്ന മോഹം വേണ്ട - ഒന്നോ രണ്ടോ ആവാം - അതിനപ്പുറം ...... തനി സ്വഭാവം കാണിക്കും മാധവൻകുട്ടി -
മാധവൻകുട്ടിയിൽ ചട്ടക്കാരനായി നിൽക്കാൻ താൽപ്പര്യമാണ് കാരണം അവൻ ആനക്കാർക്കു മുട്ടുവരുത്തില്ല - ഇടക്കു് ചട്ടക്കാരോടു തെറ്റി ഒരോട്ടമുണ്ടു്: ഒരിക്കൽ ആനക്കോട്ടയിൽ വെളളത്തിൽ ഇറക്കിയപ്പോൾ ഇടഞ്ഞു - പിന്നെ ഒരു പാടു ബുദ്ധിമുട്ടിയാണ് തളച്ചതു് - ..... സ്വന്തം ചട്ടക്കാരോട് ഒച്ചയെടുത്തു സംസാരിക്കുന്ന പോലും ഇഷ്ടമല്ലവന് - ഓടിച്ചു വിടും -...... കോപം വന്നാൽ കണ്ണുകൾ ച്ചുവക്കും - ....പ്രത്യേകിച്ചും മദമ്പാടിൽ -
വൃത്തി തീരെ ഇല്ല - മണ്ണും ചെളിയും എപ്പോഴും കാണും - പച്ച മാംസത്തോടു വലിയ ഇഷ്ടം - അതുപോലെ പുകയില തുടങ്ങിയ ലഹരി സാധനങ്ങളോടും - നല്ല മെയ് വഴക്കമുള്ളവൻ പുറകിലെ കാലുകൊണ്ടു് ആളെത്തട്ടി മൂന്നിലിടും..... പിന്നെ അവന്നു തോന്നിയപോലെ..... നല്ല എഴുന്നള്ളിപ്പ് ചിട്ട: മരക്കമ്പനിയിൽ നിന്നിട്ടുള്ളതുകൊണ്ടു് മരപ്പണിയും നന്നായിട്ടറിയാം.എന്നാൽ ഗുരുവായൂരിൽ വന്നശേഷം അതിന് പോകാറില്ല -
രണ്ടു തവണ ദേവസ്വത്തിൽ നടയിരുത്തപ്പെട്ടൻ ആണ് മാധവൻകുട്ടി - രണ്ടാമത്തെ തവണ 1985 - മെയ് 1ന് - ഷൊർണ്ണൂരിലെ കൃഷ്ണപ്രസാദ്: 25000 രുപ ദേവസ്വത്തിൽ അടച്ച് ദേവസ്വത്തിലെ ഒരാനയെ നടയിരുത്തി - അതു് മാധവൻകുട്ടിയെത്തന്നെയാണ് തിരഞ്ഞെടുത്തതും - ഒമ്പതടിയേ ഉയരമുള്ളു: നടുവളഞ്ഞതാണ് - തല താഴ്ന്നു കിടക്കും - രോഗങ്ങളൊന്നും മാധവൻകുട്ടിയെ അലട്ടാറില്ല -മദമ്പാട് വർഷത്തിലാണ് - എഴുന്നള്ളിപ്പുകളും ഉണ്ടു് - അൻപതു വയസ്സിനു മേൽ പ്രായം വരും - ഒരു ഗൗരവക്കാരൻ: മറ്റാനകളിൽ നിന്നും വ്യത്യസ്ഥൻ .... എന്നാലും നല്ല ഒരാന തന്നെ മാധവൻകുട്ടി .......
....... ബാലചന്ദ്രൻ ചേന്ദമംഗലം ......
Comments
Post a Comment